اتيكيت الحديث مع الاخرين

السلام عليكم ..
وردة للي فاتحين الصفحه [وحدهم المديرون لديهم صلاحيات معاينة هذه الصورة]

النهاردة حبيت اتكلم ان اتيكيت التحدث مع الاخرين .. حقيقي اغلبيتها بيبقي قلقان و هو بيتكلم و مرتبك و مبيبقاش سهل يتكلم مع حد خصوصا لو اول مره النهاردة هقول لكم شويه معلومات يمكن تفيدكم

ـــــــــــــــــــــــــــــــــــــــــــــــــــــ


يمكن اول قاعدة مهمه جدآ و هي التعريف بالنفس و دي خطوه مهمه جدآآ اول حاجه ممكن نرحب بيه مبتسمين و نتواصل معاه بالعين يعني متبقيش بتكلمي حد و عينك في الارض لا عينك فعين اللي بتكلميه كده و قولي اسمك و مثلا لو بتتعرفي علي انثي بادري بانك تصافحيها


ـــــــــــــــــــــــــــــــــــــــــــــــــــــ


الخطوات دي بتسهل الكلام بعد كده كتير .. بعد التعارف بقي خدي بالك و انتي بتتكلمي اوي اتكلمي براحه بس مش لدرجه اللي قدامك يمل منك و متتكلميش بسرعه علشان متتلخبطيش الحاجات بتكسف خصوصا لو نطقتي كلمه بشكل غلط الله يخليكي انتبهيييي [وحدهم المديرون لديهم صلاحيات معاينة هذه الصورة]

و انتي بتتكلمي تفادي تماما انك تتكلمي عن الحاجات دي :

السياسه .. الدين .. مسائل شخصيه

بالنسبه للي هتسال طب اتكلم في ايه يعني اقولك انا .. ممكن عن الفن معلومات عامه احداث جديده مثيرررره عالم الازياء و الموضه او ممكن تشوفي ايه الحاجه المشتركه بينك و بين اللي قدامك و تتكلمي عنه


ـــــــــــــــــــــــــــــــــــــــــــــــــــــ


متحاوليش تتكلمي كتيرر اسمعي اللي قدامك اكتر و لو اللي قدامك خجول ممكن تفتحي مجال للكلام و تسيبيه ينطلق هو في الكلالام و بلاش تقاطعي اللي قدامك كتير

ـــــــــــــــــــــــــــــــــــــــــــــــــــــ


متديش نصايح لحد الا لو اطلب منك ده و خليكي هادئه لما حد يحكيلك علي حاجه بلاش عصبيه و نرفزة


ـــــــــــــــــــــــــــــــــــــــــــــــــــــ


فكررري كتيرررر قبل ما تتكلمي فكري الف مره قبل كل كلمه و بلاش النميمه او انك تتكلمي بشكل سلبي عن تصرفات اي شخص اي كان


ـــــــــــــــــــــــــــــــــــــــــــــــــــــ

متتكلميش كتير عن نفسك و متقوليش " انا " كتير علشان بتدي انطباع للي قدامك بالانانيه


ـــــــــــــــــــــــــــــــــــــــــــــــــــــ


حاولي تكوني لطيفه مع اللي قدامك و تمدحيهم بشكل لطيف


ـــــــــــــــــــــــــــــــــــــــــــــــــــــ


بث كده ربنا معاكم بقي [وحدهم المديرون لديهم صلاحيات معاينة هذه الصورة]